Una borsa d’estudi a destinacion dels estudiants per venir ensenhaires de classa bilingua en region Novèla-Aquitània o Occitània !
L’ofici public de la lenga occitana, la Region Novèla-Aquitània, la Region Occitània e l’Educacion nacionala sostenon lo desvolopament de las classas bilingüas occitan-francés dins las escòlas mairalas e elementàrias de las filièras publicas e del fialat associatiu Calandreta.
Es dins aquel objectiu que foguèt creada la borsa Ensenhar, un dispositiu gerit per l’Ofici public de la lenga occitana, especific a las regions Novèla-Aquitània e Occitània !
D’un total maximal de 8 000 € sus dos ans, la borsa d’estudi ENSENHAR es una ajuda individuala e que s’adreça als estudiants inscrits en Licéncia 3 o Master 1, motivats per l’ensenhament en occitan e engatjats dins una formacion universitària que prepara al mestièr d’ensenhaire de classa bilingüa.
Doas sessions son dobèrtas pels depaus dels dossièrs de candidatura dirèctament alprèp de l’Ofici public de la lenga occitana, abans entreten davant una jurada.
Segonda session : depaus de las candidaturas abans lo 30 de setembre de 2019
Per aver d’informacions mai sus las condicions e la lista de las formacions eligiblas : https://ofici-occitan.eu/oc/voletz-ensenhar-loccitan/
