Volètz ensenhar l’occitan

Las ajudas "Ensenhar"

Ajudas Ensenhar : l’Ofici public de la lenga occitana prepausa d’ajudas financièras als estudiants que desiran venir professors de las escòlas bilinguas francés-occitan dins las regions Novèla-Aquitània e Occitània.

D’un montant de 8 000 € sus dos ans, la borsa Ensenhar es una ajuda individuala adressada als estudiants que se destinan a ensenhar en occitan alprèp dels enfants de 3 a 11 ans dins las escòlas e filièras bilinguas francés-occitan de las acadèmias de Bordèu, Limòtges, Montpelhièr, Peitius o Tolosa (regions Novèla-Aquitània e Occitània).

Aquel borsa s’adreça als estudiants que son inscrits en tresena annada de licéncia o en primièra annada de Master e que son motivats per l’ensenhament en occitan e s’engatjan dins los percors de formacion bilingua.

Sostenguda per l’Estat e las collectivitats territorialas, la transmission de la lenga occitana via l’escòla, qu’es un actor essencial d’aquela transmission, se desvolòpa. Uèi, gareben 10 000 escolans benefician d’un ensenhament bilingue francés / occitan dins las escòlas mairalas o elementàrias de las regions Novèla-Aquitània e Occitània. Es dos còps e mièg mai qu’en 2008. Aquelas filièras se desvolopan tanben al collègi e al licèu.

Lo dispausitiu de las borsas ensenhar a per objectiu de sostenir las vocacions als concorses de recrutament dels professors de las escòlas bilinguas, dins lo quadre d’un partenariat entre las Regions Novèla-Aquitània e Occitània, lo Ministèri de l’Educacion nacionala e l’Ofici public de la lenga occitana. S’agís en efièit de respondre a la demanda creissenta d’obertura de novèls sites bilngues dins nòstras acadèmias.

Segonda session 2019-2020 : depaus de las candidaturas abans lo 30 de setembre de 2019

Notre brochure d’information : Telecargar

Règlement et lettre d’engagement : Telecargar

La Region Novèla-Aquitània e lo Rectorat de l’acadèmia de Bordèu s’associan al dintre de l’Ofici public de la lenga occitana per sostenir los ensenhants dels 1èr e 2nd grases qu’an per projècte de se formar en occitan per ensenhar e contribuir atal a aumentar lo nombre de sos locutors actius.

L’ensenhament bilingüe francés-occitan es uèi un mejan privilegiat que permet als escolan de s’enriquesir e d’aténher l’acquisicion del sòcle comun de coneissenças, de competéncias e de cultura.

L’ofèrta de finançament de formacion « ENSENHAR » a destinacion dels professors de 4 000€ cobrís integralament los fraisses de la formacion pels ensenhaires volontaris que son ja en pòste dins l’acadèmia de Bordèu e qu’an obtengut un congé  formacion dins lo quadre del plan de formacion continua del Rectorat. Dins un primièr temps, la demanda de formacion s’efectua alprès de la DSDEN de restacamanet pel primièr gra o del Rectorat pel segond gra.

Una formacion de 10 meses a temps plen (una annada escolara), desliurada per un centre agradat del departament, permet de passar una certificacion complementària per ensenhar la lenga occitana o una disciplina en occitan. La formacion altèrna de corses de lenga occitana atal coma d’estagis. Durant la totalitat de la formacion, lo salari de l’ensenhaire es mantengut a 100%.

L’annada escolara que seguís, los professor(a)s de las escòlas formats(das) son prèstes(as) a ensenhar en occitan dins un site bilingüe (mairala o elementària) e los professor(a)s dels collègis o licèus pòdon ensenhar l’occitan o lor disciplina non lingüistica (DNL) en occitan dins lor establiment d’origina o dins un establiment pròche.

Lo dossièr deurà èsser adreçat (per via postala e numerica) a l’Ofici public de la lenga occitana : 22, Boulevard du Maréchal JUIN – 31406 Toulouse cedex 9 – contact@nullofici-occitan.eu

Comprendrà aquel dossièr :

  • Un CV ;
  • Una letra de motivacion que presenta lo projècte professional e que precisa lo tipe d’ensenhament bilingüe al qual lo candidat se destina o es en pòste ;
  • La letra d’engatjament emplenada e degudament signada ;
  • Una còpia del darrièr decret de nominacion dins lo còs ensenhant ;
  • Lo certificat d’obtencion de la formacion per la DSDEN o lo Rectorat

Letra d’engatjament : teledescargar

Per totas demandas complementàrias, esitetz pas a nos contactar via nòstra pagina “nos contactar”.

Ofici public de la lengua occitana

22, bd Maréchal Juin
31406 Tolosa cedex 9

Tel 05 82 60 02 80

Scroll to Top