Vòstre projècte : Integrar l’occitan dins las politicas de ma collectivitat

Estat, Regions, Departaments, Comunas e Intercomunalitats del territòri tocats pel desvolopament de la lenga occitana. Lo punt sus las competéncias e las accions.

L’Estat e las Regions membres de l’OPLO, un sosten sens falha.

L’Estat, plan implicat en particular sus la question de l’Educacion, las Regions Occitània e Novèla-Aquitània tanben membres de l’ÒPLO, participan al desvolopament de la lenga occitana :  an actat una politica interregionala integrada a travèrs de l’OPLO e per aquò asseguran de mejans umans, materials e financièrs d’intervencion e de sosten a las accions. En mai :

  • Dins lor organizacion, s’apuèjan sus d’unitats dedicadas e restacadas a las direccions de la cultura (Regions e DRACs), e als rectorats e als Ministèris de l’Educacion nacionala e de la Cultura ;
  • S’apuèjan sus la preséncia dels conselhièrs regionals delegats e notadament la Presidenta e lo primièr Vicepresident de l’OPLO aital coma la Rectritz de Tolosa, segonda Vicepresidenta e rectritz coordinatriz al títol de l’Educacion nacionala.
  • Las Regions acòrdan  de mejans financièrs, mai o mens 1,4 milions d’euros en Novèla Aquitània e 4 milions d’euros en Occitània per la lenga mas tanben per la cultura occitana, en mai de l’integracion de l’occitan dins los autres dispositius dits«  de dreit comun » : Audiovisual, ajuda a l’edicion, ajuda a las companhias, ajudas a la creacion e a la difusion, ajuda als festenals, al patrimòni, gestion dels licèus, formacions professionalas, torisme, transpòrts…
  • L’Estat acòrda tanben de mejans particulars per sosténer lo desvolopament de l’ofèrta d’ensenhament de l’occitan dins los territòris tocats.

Los Departaments : de partenaris privilegiats de l’OPLO

L’OPLO, facilitaire, prepausa notadament als departaments e a las vilas volontàrias, la mesa en plaça d’otisses comuns per facilitar l’instruccion dels dorsièrs de subvencion (partatge de donadas financièras) e anima una reflexion a l’escala interregionala. De dinamicas fòrça diferentas se meton en plaça segon los departaments.

Un engatjament uman e financièr en Dordonha e dins los Pirenèus-Atlantics (Novèla-Aquitània), dins los Nauts-Pirenèus, lo Tarn e l’Avairon (Occitània) se formaliza per d’esquèmas de politica publica.

De comunas e intercomunalitats proactivas

D’unas comunas e intercomunalitats a l’imatge de Pau, Baiona e los bas-Ador, Tolosa o Montpelhièr, se mòstran tanben proactivas en matèria de mejans umans e financièrs donats a la lenga occitana. .

 

En detalh, qué pòt faire ma collectivitat ?

Cada estrat de la collectivitat territoriala se pòt investir dins lo desvolopament de la lenga e de la cultura occitanas, siá dins lo quadre  de sas competéncias obligatòras, siá dins lo quadre de la clausa de competéncia generala (mantenguda dins lo domeni de las lengas regionalas).

  • organizan de formacions per l’occitan cap a la formacion professionala,
  • desvolopan un afichatge bilingüe francés-occitan (TER, Licèu),
  • desvolopan l’usatge de l’occitan a travèrs e per lo Torisme,
  • acompanhan de licèus bilingües a la formacion de personals (fòra ensenhaires),
  • acompanhan de licèus bilingües a la mesa en plaça del bilingüisme/ fòra pedagogia,
  • organizan e finançan d’activitats educativas pendent lo temps escolar,
  • participan a las despensas del foncionament dels licèus privats sota contracte…
  • signan de contractes d’objectius e de mejans integrant l’occitan amb las televisions d’envergadura regionala…        
  • desvolopan progressivament un afichatge bilingüe (rotas departamentalas, bibliotècas departamentalas de prèst, musèus, collègis…),
  • Valorizan l’occitan e lo multilingüisme al servici de las personas e de las familhas (sosten per los residents dels EPAD ect.),
  • acompanhan de collègis bilingües a la formacion de personals ( fòra ensenhaires),
  • organizan e finançan d’activitats educativas via lo projècte educatiu departamental – finançament del CAP’ÒC/Canope per qualques departaments,
  • finançan las federacions departamentalas Calandreta,
  • participan a las despensas de foncionament dels collègis privats sota contracte…
  • afichan l’occitan suls supòrts visuals o auditius de competéncia de la comuna o de l’intercomunalitat (de panèls d’intradas, de carrièras, d’afichatge toristic, de transpòrts en comun ect. ),
  • acompanhan de comunas a la promocion de l’ofèrta d’ensenhament bilingüe cap a la procedura d’inscripcion dins las escòlas publicas,
  • Acompanhan la formacion de personals de las escòlas publicas / fòra ensenhaires,
  • acompanhan las escòlas publicas bilinguas a la mesa en plaça del bilingüisme / fòra pedagogia,
  • organizan d’activitats periescolaras en lenga occitana per los escolans de l’ensenhament primari…

Ofici public de la lengua occitana

22, bd maréchal juin
31406 Tolosa cedex 9

Tel 05 82 60 02 80

Scroll to Top