Lo Grop de Recerca-Accion en didactica bilinga suls Fondamentals (Graf)
Un utís al servici del renfortiment dels cursus bilingües
La convencion-quadre qu’a per tòca d’espandir e estructurar l’ensenhament de l’occitan de la mairala al licèu (signada entre l’OPLO e lo ministèri de l’Educacion nacionala [apondre lo ligam]) se dona per prioritat de reforçar los cursus bilingas de la mairala al licèu. Aquela prioritat, que se retròba tanben dins las declinasons acadèmicas signadas amb los rectorats de Bordèu, Limòtges, Montpelhièr e Tolosa, implica diferentas dimensions : la formacion dels ensenhaires/-as, lo recrutament dels escolans, la dubertura de classas, la continuitat dels cursus, la reconeissença dels aquesits, etc. Mas concernís tanben la question de la didactica pròpria a l’ensenhament bilingüe francés/occitan. Es dins aquel contèxt qu’es estat imaginat per l’OPLO lo Grop recerca-accion de didactica bilingüa francés-occitan suls ensenhaments fondamentals a l’escòla primària (GRAF).
Sosténer las equipas ensenhantas e formatoras
En rason de sas competéncias interacademicas, l’OPLO a causit d’investir lo terrenh de la formacion pedagogica per tal d’aportar un sosten suplementari a las equipas ensenhaniairas e formatoras dins lor reflexion e lor practica de l’ensenhament bilingüe.
La constitucion del grop de recèrca-accion sus la didactica bilingüa francés/occitan pretend crear un dialòg entre diferents actors del mond educatiu, que sián cercaires/-as, formator.a.s de terrenh, especialistas de la question o quadres de l’Educacion nacionala. L’objectiu d’aquelas discussions es d’adaptar a tèrme los biais professionals en classa.
A mejan tèrme, los autres objectius son de bastir de percorses dedicats de formacion en linha e d’organizar en dirècte de sessions de formacion de formator.a.s e d’ensenhanaires/-as.
Un quadre de reflexion interacademic
Lo comitat de pilotatge es articulat entre l’OPLO, portaire de la proposicion, e l’IEN encargat de mission ensenhament bilingüe de l’acadèmia de Tolosa en estrecha relacion amb los IPR de la disciplina e los IEN encargats de mission acadèmica de las autras acadèmias (Bordèu, Limòtges e Montpelhièr). Los membres d’aquel comitat seràn convidats a las reünions del grop.
Per cada annada escolara, una tematica de trabalh es identificada. Per las suas duas primièras annadas, lo grop concentra los sons trabalhs a l’entorn de la dimension lingüistica de matematicas :
- per l’annada escolara 2021/2022, lo grop abordèt los solides ;
- per l’annada 2022/2023, lo grop continha amb las mesuras.
Consultar l’apèl a candidaturas dels conselhièrs pedagogics departamentals d’occitan :
Consultar la deliberacion sus la mesa en plaça del Grop de recerca-accion en didactica bilingüa francés/occitan suls fondamentals (GRAF):
Découvrez les autres actions de l'OPLO pour accompagner les enseignant/e/s :
Office public de la langue occitane
22 boulevard du Maréchal Juin
31406 Toulouse cedex 9
05 31 61 80 50
contact@ofici-occitan.eu
