Un lexic gratuit e accessible a totes
Ongan, l’OPLO a finançat l’elaboracion d’un lexic multidialectal al près del Congrès permanent de la lenga occitana.
A partir d’aquel lexic, l’Ofici a creat un lexic majat accessible a totes.
En efièch, es entièrament gratuit, telecargable e imprimible. Lo lexic es un esplech adaptat als curioses desirant descobrir la lenga, als pluses debutants que ne vòlon aprene mai o encara als coneisseires que vòlon melhorar lor vocabulari.
Per totes, es egalament una escasença de se familiarizar amb una lenga de nòstres territòris.
D’un autre costat, se lo lexic complèt del Congrès vos interèssa, es disponible en telecargament en bas d’aquela pagina.
Celebrar la lenga occitana pendent un eveniment mondial
Lo rugbi despassa las frontièras nacionalas per unir de fans del mond entièr. Mentre que lo mond s’amassa per celebrar aquela Copa del mond, lo lexic es una oportunitat polida de metre en valor la lenga occitana e de mostrar atal nòstra diversitat lingüistica.
Sortir l'occitan del quadre escolar
Promòure la lenga occitana se limita pas a las salas de classa.
Lo lexic sul rugbi s’inscriu dins un esfòrç mai larg qu’a per mira de sortir la lenga occitana del quadre escolar e de l’integrar plenament dins la vida vidanta. Lo rugbi, espòrt plan popular de nòstras regions, es lo vector ideal per realizar aquel objectiu.
Lo lexic occitan sul rugbi es fòrça mai qu’una simpla compilacion de mots. Es un vertadièr testimoniatge de la vitalitat de la lenga occitana e de son ligam prigond amb nòstras regions e lo mond del rugbi.
