L’Ofici public de la lenga occitana (OPLO), per l’atribucion de subvencions, ajuda cada annada d’operators publics e privats (associatius en particular) qu’òbran a la transmission e a la socializacion de la lenga occitana sul territòri de las regions de Novèla-Aquitània e Occitània. Aquelas subvencions son atribuidas dins l’encastre d’una delegacion de mejans e de competéncias de las Regions Novèla-Aquitània e Occitània, atal coma de l’Estat, membres fondators de l’Ofici.
Dins aquel encastre, los operators pòdon sollicitar lo sosten financièr de l’Ofici per lo depaus d’un dossièr de demanda de subvencion per l’annada 2021 amb lo modèle descargable aicí.
Atencion, la data limita de remesa dels dossièrs de demanda de subvencion es lo dimars 3 de genièr de 2023 a 12h.
Per mai d’informacions sus las condicions e la tièra dels projèctes eligibles : https://www.ofici-occitan.eu/oc/subvencions/
Per tota informacion complementària, podètz contactar l’Ofici per corric a l’adreça seguenta : contact@ofici-occitan.eu
⚠ Informacion importanta : En despièch de cambiaments de reparticion de las demandas de subvencions entre l'OPLO e las regions Novèla-Aquitània e Occitània anonciats per l'annada 2023, l'OPLO contunha de centralizar totas las demandas que correspondon a son camp d'intervencion, e de retrocessions eventualas seràn fachas se de besonh, sens qu'aquò necessite cap d'intervencion suplementària de vòstra part. Ne seretz informats se s'escai, e vòstre dossièr serà transferit al servici regionau correspondent dirèctament per l'OPLO. Vos convidam donc a plan emplenar lo dossièr de demanda de subvencion descargable sus lo noste siti e a nos o far arribar completat e acompanhat de las pèças justificativas a subvencions@ofici-occitan.eu avant lo 3 de genièr de 2023.
