L’Ofici public de la lenga occitana (OPLO), per l’atribucion de subvencions, ajuda cada annada d’operators publics e privats (associatius en particular) qu’òbran a la transmission e a la socializacion de la lenga occitana sul territòri de las regions de Novèla-Aquitània e Occitània. Aquelas subvencions son atribuidas dins l’encastre d’una delegacion de mejans e de competéncias de las Regions Novèla-Aquitània e Occitània, atal coma de l’Estat, membres fondators de l’Ofici.
Dins aquel encastre, los operators pòdon sollicitar lo sosten financièr de l’Ofici per lo depaus d’un dossièr de demanda de subvencion per l’annada 2021 amb lo modèle descargable aicí.
Atencion, la data limita de remesa dels dossièrs de demanda de subvencion es lo diluns 4 de genièr de 2021 a 12h.
Per mai d’informacions sus las condicions e la tièra dels projèctes eligibles : https://www.ofici-occitan.eu/oc/setz-un-operator-cossi-beneficiar-del-sosten-de-loplo/
Per tota informacion complementària, podètz contactar l’Ofici per corric a l’adreça seguenta : contact@ofici-occitan.eu
