Sintèsi de las accions a còstes non-constants
Elegit/ida.s, technician.a.s d'una collectivitat, desiratz conéisser las accions a finançar per tal de desvolopar de projèctes a l'entorn de l'occitan sus vòstre territòri ? L'OPLO vos acompanha !
Las accions de visibilitat de la lenga (socializacion)
Lo Congrès permanent de la lenga occitana serà vòstre interlocutor dins aquel encastre (consultatz la pagina dedicada sus nòstre site).
L’IGN s’es engatjat a respectar la toponimia occitana en actualizant sas cartas e l’adreçatge bilingüe de vòstre territòri a egalament besonh de respectar la toponimia : lo Congrès permanent de la lenga occitana vos acompanha per participar a aquel trabalh de restauracion del patrimòni de vòstre territòri.
La creacion de jòcs tip « escape game » o « jòc de pista » permet de valorizar lo patrimòni de vòstre territòri de faiçon ludica : lo CIRDÒC – Institut occitan de cultura vos acompanha sul subjècte e vos pòt prepausar d’alternativas adaptadas a vòstra situacion.
Las qualitats lingüisticas dels agents comunals e intercomunals lor permeton de participar a la revitalizacion de la lenga occitana e de s’inscriure plenament dins las demarchas de vòstra collectivitat, qu’aquel siá a l’escòla o endacòm mai : l’OPLO vos acompanha sus aquel subjècte (consultatz la pagina dedicada sus nòstre sit).
Las accions educativas
Aquò pòt concernir de crompa de material, una adaptacion dels locals o ben la formacion dels agents periescolars : l’OPLO vos acompanha sus aquel subjècte.
L’obertura d’una calandreta demanda un investiment financièr de la part de la comuna aculhissent la futura escòla : l’OPLO vos acompanha sus aquel subjècte (consultatz la pagina dedicada sus nòstre sit).
Se demòra mens eficaç que l’obertura d’un cursus bilingüe o d’una calandreta, la mesa en plaça d’una iniciacion a l’occitan dins una escòla permet als escolans de beneficiar d’un contacte elementari amb la lenga e la cultura occitanas a nautor d’una ora per setmana mai o mens.
Lo finançament d’intervenents pòt far besonh per que intervengan en classa.
De cofinançaments son possibles de la part del Conselh Departamental : l’OPLO vos acompanhe sus aquel subjècte.
Aquelas accions contribuïsson a enriquir l’immersion dels escolans de vòstre territòri dins un environament occitan que s’espandís alara en delà quitament de l’escòla : l’OPLO vos acompanha sus aquel subjècte (contactatz-nos per la seccion contacte).
Las accions culturalas
Aquela mena d’accion constituís un levador consequent dins la valorizacion e la representacion de la lenga e la cultura occitanas en lor permetent d’ocupar una plaça de primièr reng dins lo paisatge cultural de vòstre territòri : lo CIRDÒC – Institut occitan de cultura vos acompanha sul subjècte.
La creacion d’un festenal o de tot eveniment cultural d’amplor en balhant una plaça centrala a la cultura occitanas permet de la far irradiar, es un engatjament fòrt per sa revitalizacion : lo CIRDÒC – Institut occitan de cultura vos acompanha sul subjècte, tot coma vòstra Region que pòt sostenir financièrament lo projècte.
Per vos ajudar
Gropament d’interès public (GIP) amassant la Region Novèla Aquitània, la Region Occitània, lo Ministèri de l’Educacion nacionala e lo Ministèri de la Cultura e cargat de la politica lingüistica
- www.ofici-occitan.eu
- contact@ofici-occitan.eu
Establiment public de cooperacion culturala (EPCC) a vocacion nacionala e internacionala cargat de la salvagarda e de la valorizacion del patrimòni
- www.oc-cultura.eu
- secretariat@oc-cultura.eu
Organisme interregional de regulacion de la lenga occitana amassant las instutions e las federacions istoricas occitanas e sostengut per las collectivitats e lo Ministèri de la Cultura
- locongres.org
- info@locongres.org
Intervencion d’elegit/ida, preséncia d’un.a representant.a a l’escasença d’una reünion publica, demanda de supòrt logistic, subvencion d’eveniments culturals, etc.
- Region Novèla Aquitània
Servici Lengas & culturas regionalas (LCR)
- Region Occitània / Pirenèus-Mediterranèa
Servici Lengas & culturas regionalas (LCR)
Ostal de la Region
Una question ? Contactatz l'OPLO !
Ne saber + suls projèctes relatius a la lenga occitana :
Office public de la langue occitane
22 boulevard du Maréchal Juin
31406 Toulouse cedex 9
05 31 61 80 50
contact@ofici-occitan.eu
