Sètz un operator, cossí beneficiar del sosten de l’ÒPLO ?

Las associacions e los organismes portaires d’un projècte en ligam amb la lenga occitana pòdon beneficiar d’una subvencion de la part de l’ÒPLO… sota qualques condicions.

Mòde d’emplec !

Vòstre projècte es elegible ?

Mantunes critèris son decisius per poder pretendre a una subvencion de l’Ofici public de la lenga occitana. Los conéisser en amont pòt evitar plan de contrarietats e de pèrda de temps.

Los camps d’intervencion 

L’Ofici public de la lenga occitana, qu’a l’estatut de gropament d’interès public e que la mission es la transmission e la socializacion de la lenga occitana, sosten exclusivament las accions en favor de :

  • la transmission de la lenga occitana ;
  • lo desvolopament de son usatge, sa socializacion ;
  • la difusion de la lenga occitana.

Atencion : per s’inscriure dins una reala desmarcha de socializacion o de transmission, l’accion desvolopada deu èsser repetida o recurrenta. Atal, per exemple, una manifestacion ponctuala ligada a la lenga e la cultura occitanas entra pas dins lo camp d’accion de l’OPLO, mentre qu’un malhum de corses per adulte regular, el, ne fa partida.

Punt de vigilància : la politica culturala (sosten a las manifestacions, a la creacion e la difusion de practicas/òbras artisticas, industricas creativas) demòra de competéncia comunala, intercomunala, departamentala, regionala o estatica e entra doncas pas dins lo camp d’accion de l’OPLO.

Pro del cumul !

Per èsser elegible a una subvencion de l’OPLO, los projèctes deuràn pas recebre cap autre finançament especific de la part dels Conselhs Regionals, membres de l’Ofici public de la lenga occitana, tal coma Occitània e Novèla Aquitània, ni tanpauc de la Delegacion Generala a la Lenga Francesa e de las Lengas de França del Ministèri de la Cultura.

 

 

De saber !

Per beneficiar d’una subvencion, es insdispensable de dispausar d’un numerò SIRET, o d’un RNA se l’estructura que demanda es una associacion

Ont trobar de complements d’informacions ?
 

En cas de questions, es possible de s’adreçar dirèctament a l’OPLO via nòstra pagina : “nos contactar”.

De clicar :

Per obtenir un modèle de demanda de subvencion e la carta d’utilizacion dels logòs de l’OPLO, connectetz-vos sul site de l’Ofici a l’adreça que seguís : “teledescargament”.

Caminament per despausar son dossièr de candidatura

Mai d’una modalitat es possible per candidatar e remetre son dossièr de subvencion rensenhat.

    • Per mail ambe acusat de recepcion a l’adreça que seguís : contact@nullofici-occitan.eu
    • Per corrièr ambe acusat de recepcion a l’adreça que seguís : Office public de la langue occitane, 22 boulevard du Maréchal Juin, 31406 Toulouse Cedex 9

Quin calandièr per demandar una subvencion ?

Los dossièrs de demanda per l’annada 2020 son a despausar :

  • Al mai tard lo 31 d’octobre de 2019 per un passatge en Assemblada Generala de l’Ofici en debuta d’annada 2020.
  • Al mai tard lo 31 de decembre de 2019 per un passatge en Assemblada Generala de l’Ofici a la fin del primièr semèstre 2020.

Quin calendièr per tocar la subvencion ?

Lo pagament de las ajudas se fa en dos versaments

  • una avança de 80 % es pagada aprèp la signatura de l’acte qu’atribuís la subvencion e la presentacion d’un RIB de mens de dos meses e d’una atestacion de començament d’activitat per l’estructura benificiària.
  • La rèsta de 20 % es pagada après presentacion de pèças justificativas que permeton notadament d’avalorar l’accion e provar de sa bona realizacion (document de teledescargar aquí)

Ofici public de la lengua occitana

22, bd Maréchal Juin
31406 Tolosa cedex 9

Tel 05 82 60 02 80

Scroll to Top