Despuish quasi 3 ans, l’OPLO arcuelha ua doctoranta en sociolingüistica, Marie Sarraute-Armentia, dens l’encastre d’ua convencion CIFRE (Convencion Industriau de Formacion per la Recèrca).
Nos conta son quotidian de joena cercaira sus son jornau de tèsi en linha, entre tribalh sus sa tèsi, formacions e missions de valorizacion.
Sectcon « Còrpus de tèsi »
- Talhèrs de dessenh en classa : com podem recuélher las representacions deus/de las aprenent.as? Lo director de recèrca de Marie la perpausè de har dessenhar eslhèves! Istòria de la mesa en plaça d’un protocòle experimentau.
Seccion « Ma vita de doctoranta »
- Viatge impromptú en Catalonha : los collòquis scientifics son lòcs de partatge e de difusion de la sciéncia, mes tanben de malhumatge entre cercaire/as. Descobritz com un encontre en collòqui pòt entrainar ua participacion improvisada a un aute!
- Istòria d’una cronica desbrombada : sus un CV de cercair/a, n’i a pas sonque las recèrcas qui estón dejà publicadas. Totun, las mauescadudas – en lo refús d’un article ou d’ua comunicacion perpausats – hè partida de la vita vitanta deus/de las scientific.as. Marie nos conta dens aqueth article sa purmèra ensajada (infructuosa) de publicacion dens ua revista scientifica.
- Virada doctoranta a Nancí : Nancy b’es l’endret entà parlar d’occitan? E ben perqué pas! Mes es mei que mei l’endret on se debanè en 2023 l’universitat d’estiu entà formar joen.as cercaire/as a la vulgarizacion, ComSciCon. Estó l’escadença entà Marie de’s formar, de malhumar, e de vulgarizar l’occitan a doctorant.as de la França tota, e quitament enlà!
Burèu de las enquèstas : en doctorat, n’avem pas jamei pro de temps… Nat problèma entà Marie qui ensagè de méter en plaça un protocòle de collectatge de dadas au cors d’un talhèr de vulgarizacion.
