Qualques jorns abans la debuta de l’estiu, La Region Novèla Aquitània, lo Departament d’Òut e Garona e la Vila d’Agen, en associacion dab la Region Occitània Pirenèus Mediterranèa, que’vs convidan a viéner participar , los 13 e 14 de junh qui venguen a Agen, aus Encontres occitans de las lengas et culturas regionaus, un eveniment co-organizat per la Region Novèla Aquitània, lo Departament d’Òlt e Garona, la Vila d’Agen e en partenariat dab la Region Occitània / Pirenèus-Mediterranèa.
Cadun son torn, las Regions Occitània / Pirenèus-Mediterranèa e Novèla Aquitània organizaràn aqueles Encontres occitans annals en federant las fòrças vivas del territòri d’acuèlh.
Al còr del Sud Oèst, aqueles encontres professionals permetràn de debatre de la plaça e de l’avenidor de la lenga e de la cultura occitanas en crosant testimoniatges e experiéncias eissits de las diferentas lengas e culturas regionalas de França.
S’agirà de prepausar un espaci per que totas las e totes los qu’an a còr, dins de posturas divèrsas (elegits, agents publics, benevòls e salariats associatius) de defendre la plaça de la lenga occitana e d’assegurar son avenidor, s’encontren, escàmbien e definiscan amassa las perspectivas comunas. Aquelas reflexions seràn menadas amb l’apòrt e en fàcia dels questionaments e de las experiéncias bastidas dins los autres airals de lengas regionalas pertot en França.
Amb la forma de talhièrs tematics a l’entorn de l’educacion, la formacion, la cultura, entrepreneiriat, fòrça personalitats confrontaràn lors punts de vista, lors experiéncias, mas sustot, temptaràn de formular amb los participants de dralhas per l’avenidor
Preprograma
Lo dijòus 13 de junh
Librariá efemèra dins los jardins
Tre 8 h – Acuèlh dels participants
En matinada
9 h 15 – Obertura dels Rescontres
en preséncia d’Alain Rousset, president de la Region Novèla Aquitània, Carole Delga, presidenta de la Region Occitània / Pirenèus-Mediterranèa, Sophie Borderie, presidenta del Conselh departamental d’Òlt e Garona e Jean Dionis del Sejorn, cònsol màger d’Agen.
Seguida d’una conferéncia Las lengas regionalas, un engatjament politic
Dinnar
Dins l’aprèp-miègjorn
3 talhièrs de 14 h a 17 h
- Las lengas e l’entrepreneuriat
Personalitat inspiranta : Joan Luc Lagrave, creator de la marca Adishatz e President del Cercle Gascon de Negòcis
Dins un mond ont los produches s’uniformizan, las lengas regionalas pòdon èsser un atot economic…
- Las lengas e la creacion culturala
Personalitat inspiranta : Romain Baudoin, artista-musician, director artistic del centre de creacion musicala a espandiment interregional CERC
Quina plaça ocupan las lengas regionalas dins la creacion artistica e culturala, quina plaça dins los festenals, los luòcs de difusion ?
- Las lengas e los mèdias
Personalitat inspiranta : Michel Garicoïx, collaborator dels quotidians Sud-Ouest e Le Monde pel País Basc.
La plaça de las lengas regionalas dins los mèdias es de còps que i a una font de revindicacions pels defensors de las lengas regionalas. En efièch, apareisson pauc dins lo paisatge audiovisual francés, lo debat es totjorn d’actualitat e una visibilitat melhora es recercada.
Sopar liure
Lo creòl, l’occitan, lo basc, lo còrs entre autres ressonaràn dins l’encencha del Florida, scèna de musicas actualas a Agen
Terre Sorore
L’alquimia de 4 voses qu’entremesclan lors univèrses per ofrir un moment excepcional de poesia, d’armonia e de cant.
Elimberri
Doas culturas sòrres, doas lengas, basca e gascona, eissidas d’ancessors comuns.
Los dos artistas fan regisclar provèrbis, legendas e contes qu’an encara quicòm a nos dire.
Ciac Boum
Lo Bal, fòrça immancabla d’aquel trio, fa levar pichons e grands dins un vam plen de poesia e de vitalitat. Lo tèma màger es la memòria de la condicion de las femnas dins la societat tradicionala.
Lo divendres 14 de junh
Tre 8 h – Acuèlh dels participants
En Matinada
3 talhièrs de 9 h a 12 h
- Las lengas: una cooperacion interregionala
Personalitat inspiranta : Gautier Lagalaye, director de l’Ofici public de la lenga occitana
Testimoniatges a l’entorn dels dispositius relatius a la cooperacion interregionala dins lo domeni de las lengas regionalas.
- Las lengas al còr de las ofèrtas d’educacion
Personalitat inspiranta : Martine Ralu, presidenta de l’associacion Òc-Bi
Las lengas son al còr de l’educacion. La presa en compte per l’Escòla de la pluralitat lingüistica es importanta : non solament per l’accès a las coneissenças, lo desvolopament de las competéncias, l’obertura a la diversitat de las culturas, mas tanben en vista de la construccion identitària dels joves e del viure amassa en societat.
- Las lengas dins las filières superioras e las formacions per adultas
Personalitat inspiranta : Marie-Jeanne Verny, professora onorària de lenga e literatura occitana a l’Universitat Pau-Valèri de Montpelhièr
Las universitats grandas an quasi totas desvolopat un departament en lengas regionalas ; cossí perseguir aquela dinamica e contunhar a diversificar las formacions amb sos idiòmas parlats ?
12 h a 13 h – Clausura dels Encontres
Amb Patxi Berhouet, jornalista a Le Monde.fr
Dinnar – Panièr Repais
