Plan d’accion 2019-2023

Al tèrme d’una desmarcha de 10 meses de concertacion lançada en novembre de 2017, basada sus de talhièrs de trabalh internes, un quinzenat d’entretens qualitatius, cinc talhièrs territorials e una consultacion numerica qu’a permés de reculhir mai d’un trentenat de contribucions escritas, l’Ofici public de la lenga occitana a adoptat, lo 28 de novembre de 2018, son plan d’accion pluriannal.

L’elaboracion d’aquel document s’es apuejat sus las espèras, remarcas e suggestions de l’ensemble dels participants a la concertacion per tal de definir sas prioritats estrategicas per las annadas que venon.

La reflexion estrategica al torn de l’accion de l’Ofici e son ambicion per l’avenir de la lenga occitana es estada estructurada al torn de tres axes principals partejats ambe los partenaris publics, associatius e privats mobilisats, puèi declinats en objectius operacionals (intensificar la demanda, manténer e ameliorar l’ofèrta e experimentar dedesmarchas).

Aqueles tres axes estrategics son estats puèi declinats en quatre axes operacional, al torn delsquals es prepausat d’articular las intervencions de l’Ofici.

Lo document integral, votat a l’Assemblada generala del 28 de novembre de 2018, se pòt telecargar çai-jos. Fa aparéisser de manièra clara los apòrts dirèctes de la concertacion amb lo sigle “C”.