Operacion « Lo Diari » : un magazina en occitan ofèrt per tots los liceans
Lo Diari especial joves #2 : renovelament de l'accion dins l'encastre de la Setmana de la premsa e dels mèdias a l'escòla
Dins l’encastre de son Plan d’accion Licèu per la lenga occitana, l’Ofici Public de la Lenga Occitana renovèla ongan annada l’operacion Lo Diari : especial licean, un numèro fòra-seria que tracta de subjèctes que parlan als joves : serias, videojòcs, mangas…
Aquela annada, l’operacion es estada pensada per se poder inscriure dins l’encastre de la Setmana de la premsa e dels mèdias a l’Escòla - CLEMI del 27 de març al 1èr d’abril de 2023. En efièch, l’ensenhament de las lengas vivas e de l’occitan en particular, constituís tanben una oportunitat vertadièra d’abordar l’educacion als mèdias amb los escolans.
Un fòra-seria espécial liceans
- Lo Diari es un magazine bimestral cultural d’un 40at de paginas, tot en occitan. Es editat dempuèi 2008 per l’IEO OPM e seguit per una comunautat de mai de 2500 lectors sus tot lo territòri occitanofòne.
- Aquel fòra seria tracta de subjèctes precises que parlan als joves, coma los mangas o los jòcs vidèo, las aplis, las serias de veire en streaming, la musica… Prepausa un esclairatge modèrne sus l’actualitat, en tot portar una atencion particulara a la creativitat e a la qualitat grafica dels contenguts.
Un projècte sostengut per las Regions Novèla-Aquitània e Occitània
Aqueste projècte es estat finançat pel Ministèri de la Cultura amb o sosten de la Region Novèla-Aquitània e per la Region Occitània amb lo sosten del Ministèri de l’Educacion nacionala.
Es ofèrt a la dintrada a totes los escolièrs occitanista de las Regions Novèla-Aquitània e Occitània dels 64 establiments que prepausan l’opcion occitan.
Ce Diari spécial est gratuit, aussi tout un chacun peut désormais le consulter en ligne, le partager, le diffuser…
Una primièra associacion en 2021 : Lo Diari especial licean
Una question ? Contactatz l'OPLO !
Ne saber + sul Plan d'accion licèu :
Office public de la langue occitane
22 boulevard du Maréchal Juin
31406 Toulouse cedex 9
05 31 61 80 50
contact@ofici-occitan.eu
