Filmes e serias botats a dispausicion a gratis !
Los estudiòs de produccion de programas audiovisuals doblats en occitan Conta’m, en partenariat amb l’Ofici public de la lenga occitana, desiran portar lo lor sosten a la comunautat educativa en aquela temporada excepcionala de confinhament.
Pendent aquela temporada, per fin de contribuir a la continuitat pedagogica de l’ensenhament de/en occitan, los estudiòs Conta’m prepausan de botar a disposicion dels ensenhaires e dels escolans, gratuitament, un cèrt nombre de corts e longs metratges que lor podràn servir d’aisinas pedagogicas.
Accedissètz a la tièra dels programas disponibles
Vos convidam a actualizar regularament aquela pagina per descobrir filmes nòus e serias cada jorn !
Aquesta operacion es renduda possibla mercés a l’associacion « Conta’m » e amb l’aimabla autorizacion de Magic Light Pictures, Lagardère Studios e Médiatoon.
Se sètz ensenhaire e que desiratz obtenir lo vòstres còdis d’accès a la plata-forma en linha, contactatz l’Ofici : contact@ofici-occitan.eu
NB : La lectura de las òbras se fa en difusion de contunh (streaming) ; lo lor telecargament es enebit, a pena de sanccions penalas. Se rescontratz un problèma d’afichatge, mercés de plan voler utilizar navigators tals coma Chrome o Safari.
