Dempuèi 2021, l’equipa de l’OPLO aculhís Marie Sarraute-Armentia, doctoranta en sociolingüistica a l’universitat Bordèu Montanha jos la direccion de Giovanni Agresti (IKER – UMR 5478). Pendent tres ans, aquela joena cercaira realizarà sa tèsi de doctorat en sciéncias del lengatge al sen de nòstra estructura.
Aquel projècte de recèrca es una seguida logica de l’enquèsta sociolingüistica 2020 (ESL 2020) :
- Aquel estudi recent a mostrat que malgrat un taus de locutors en casuda e un feble taus de transmission, l’occitan suscita un interès particular pels abitants de Novèla-Aquitània e Occitània ;
- Sus la basa d’aquel diagnostic general, la tèsi de Marie preten explorar de manièra qualitativa los mecanismes en jòc dins aquela paradòxa d’una lenga qu’es aimada collectivament mas qu’es pauc transmesa ;
- S’agirà mai precisament de compréner los levadors de motivacion, mas tanben los frens, a l’inscripcion d’escolans en cors d’occitan e en percors amb l’occitan coma lenga d’ensenhament. S’agis de formular de preconizacions pretendent aumentar lo nombre d’escolan.as qu’aprenon l’occitan.
Dins son blòg o jornal de tèsi, Marie tòrna al quotidian sus sas experiéncias de joena cercaira – lecturas, collòquis, questionaments, mesa en plaça d’una metodologia, enquèsta de terrenh, redaccion, comunicacion en collòquis, accions de vulgarizacion, etc – per tal de documentar lo trabalh de cercaire aital coma l’objècte de sa recerca: las representacions socialas de l’occitan.
