Los enjòcs

L'occitan ? Qualques elements sus nòstra lenga regionala

Lenga pas pro transmesa, dont lo vam deu èsser renfortit, mas que suscita pels estatjants d’Occitània e de Novèla-Aquitània l’objècte d’un interès real e particular, l’occitan cèrca de tornar ganhar de terren gràcias en particular a las accions de l’OPLO.

Sabètz parlar occitan ?

Que siá en Novèla-Aquitània o en Occitània, las enquèstas de terren* son unanimas : se parla pas pro occitan uèi dins aquelas regions, malgrat un estacament de las populacions a sa preséncia.

  • 50 % dels estatjants de Miègjorn-Pirenèus dison aver al mens qualques nocions d’occitan, mas sonque 18% son locutors de l’occitan;
  • La màger part dels locutors se tròban dins las classas d’atge mai elevadas, çò que deu alertar ;
  • En Aquitània, sonque 10% de las personas interrogadas son de locutors de l’occitan.
  • Aqueles locutors son pus lèu d’òmes, atjats e rurals ;
  • La practica de la lenga es reservada a las relacions e als espacis privats;
  • Per contra, 44% de las personas interrogadas vòlon conéisser e compréner un pauc l’occitan e mai de 75% vòlon que sa transmission se desvolope per l’Escòla.

De remembrar

L’occitan, dit tanben lenga d’òc, es una lenga romana que compta uèi, d’après las projèccion, mai o mens 750 000 locutors * (de nivèl mejan a bilingüe) dins las regions Novèla-Aquitània e Occitània.

Far progressar l’ensenhament e la transmission de l’occitan

  • Desplegar l’aprentissatge escolar, l’ensenhament al prèp dels adultes… tals son los enjòcs per tornar donar a aquela lenga, l’aura qu’a conegut un còp èra.
  • A l’ora d’ara, mai de 12 500 escolans son escolarizats dins d’establiments bilingües francés;
  • De mai en mai de parents causisson de transmetre la lenga e la cultura occitanas a lors enfants;
  • La lenga occitana dispausa ara d’una  “académia” : lo congrès permanent de la lenga occitana, cargat dels trabalhs sus la normalizacion de l’occitan, sostengut per l’Estat, las Regiond e d’unes conselhs departamentals (locongres.org);

Melhorar la visibilitat de l’occitan

  • La vitalitat e la visibilitat de la lenga occitana son tanben portadas pels actors e operators del sector.
  • La lenga occitana dispausa ara d’una « acadèmia » : lo Congrès permanent de la lenga occitana, cargat de trabalhs sus la normalizacion de l’occitan, sostengut per l’estat, las Regions e d’unes Conselhs departamentals (locongres.org);
  • La lenga occitana dispausa tanben uèi d’una television per Internet convencionada amb lo CSA : Òc-tele (www.octele.com);
  • Dispausa de médias escrits e de ràdios;
  • S’apèva sus un malhum important d’associacions qu’asseguran localament la transmission, l’usatge, la vitalitat de la lenga occitana;

De remembrar : l’occitan fa partida del patrimòni

En França, l’occitan es reconegut coma lenga regionala fasent partida del patrimòni francés (article 75-1 de la constitucion francesa)

L’occitan es reconegut coma lenga pròpria de la Val d’Aran e coma lenga oficiala dins tota la Catalonha per l’article 6 de son estatut d’autonomia aprovat en 2006.

* Sorsa : Enquèstas sociolingüisticas 2009/2010
Présence, pratiques et représentations de la langue occitane en Aquitaine.
Présence, pratiques et perceptions de la langue occitane en région Midi-Pyrénées.


 

Ofici public de la lengua occitana

22, bd maréchal juin
31406 Tolosa cedex 9

Tel 05 82 60 02 80

Scroll to Top