Una campanha de sensibilizacion en direccion dels parents dels 15000 escolans que seguisson una formacion en occitan

Far passar l’occitan de l’escòla a l’ostal
A l’ocasion de la dintrada escolara 2021/2022, l’OPLO lança l’operacion « DINTRADA DE L’OCCITAN » : una campanha de sensibilizacion dels parents d’escolans a las diferentas ressorsas e iniciativas existentas destinadas a acompanhar los dròlles escolarizats en ensenhament immersiu, bilingüe o renforçat en occitan.
La subrevida de la lenga occitana passa abans tot per son ensenhament a l’escòla. A n’aquel esgard, l’aumentacion regulara dels efectius d’escolans que seguisson un ensenhament bilingüe a paritat orària o immersiu a l’escòla es encoratjanta . Mas sa transmission exigís la mobilizacion de las familhas, e l’incitacion a un usatge a l’ostal demoraun enjòc que nos aperten d’ennautar.
Concretament, las ressorsas en occitan mesas a la disposicion dels parents d’escolans son fòrça variadas : manuals escolars, utis en linha (diccionaris o reviradors automatics per exemple), dessenhs animats e serias doblats en occitan, web TV, ressorsas numericas, personas ressorsas…
Mai de 15 000 familhas concernidas
A l’escala de las doas regions Novèla-Aquitània e Occitània, mai de 15 000 familhas son concernidas. D’interlocutors dedicats se mobilizaràn tot lo long del mes de setembre per respondre a lors interrogacions.
En tot, son 261 escòlas que prepausan un ensenhament immersiu, bilingüe o renforçat en occitan, fasent de la lenga occitana la lenga regionala la mai ensenhada de França.

