La campanha de comunicacion grand public desplegada per l'Ofici public de la lenga occitana es estada premiada pels professionals de la comunicacion publica durant lo fòrum Cap’ Com lo 9 de decembre a Rennas dins la categoria comunicacion culturala.
Un resson nacional per l'occitan
La campanha de comunicacion desplegada al dintre de las Regions Novèla-Aquitània e Occitània a l’entorn de la lenga occitana a retengut l’atencion de la jurada. Presidida per Emmanuelle Daviet, mediatora de las antenas de Ràdio França, la jurada a tengut a saludar una «campanha justa e pertinenta, arribant a reivindicar una identitat sens tombar dins lo partiment». Aquel prètz permet a l’occitan de beneficiar d’una notorietat nacionala e de ganhar en visibilitat.
L’objectiu d’aquela campanha èra de sensibilizar e d’incitar los abitants de las doas regions a s’interessar a una lenga e una cultura que tròban de r dins la vida de totes los jorns. Es lo primièr còp qu’un dispositiu de comunicacion a l’entorn de l’occitan es estat desplegat a l’escala de las regions Novèla Aquitània e Occitània amb lo supòrt de las doas institucions.
La campanha s’apieja sus de mots franceses d’origina occitana fixats sus mantunes visuals en creant un decalatge connivent – demostrant aital coma aquela lenga e aquela cultura tròban de ressons dins la vidavidanta.
Adaptada en afichatge dins las garas e sus las rets socialas, remanda sus un sit internet que presenta de nombrosas ofèrtas concretas per la descobèrta o l’aprenatge de la lenga : www.jemejettealoc.com.
L’occitan, delà la lenga
Per las Regions Novèla-Aquitània e Occitània, aquela reconeissença ven confortar una volontat de far de l’occitan un dels principals marcadors del territòri. Aquela campanha permet de far descobrir l’occitan a de locutors potencials, en particular las jovas generacions, en modernizant son imatge e en assolidant l’estacament emocional que pòt suscitar. Los personatges presents suls visuals de la campanha son d’abitants qu’an espontanèament acceptat de venir figurants per la promocion de l’occitan.
Las Regions Novèla-Aquitània e Occitània implicadas, sòcias e relais de la campanha
Desplegada en simultanèa sus las doas regions, aquela campanha a beneficiat del supòrt operacional de caduna per tal de far rajar aquela campanha dins los territòris :
- Recerca de figurants pels visuals;
- Presas de vist;
- Realizacion de vidèos per las rets socialas;
- Mesa a disposicion d’espaci publicitari;
- Crompa d’espacis dins la premsa.
Un desplegament que se perseguís
Per 2022, la campanha serà adaptada e difusada dins los licèus, per tal de tocar las jovas generacions e las acompanhar dins la descobèrta e l’aprendissatge de l’occitan.
Dins un segond temps, la campanha serà declinada a l’escala locala. De visuals nòus seràn creats en prepausant dels mots e expressions especificas als diferents territòris. Mantunes departaments, intercomunalitats e comunas an ja integrat l’occitan coma marcador identitari. Per tal que los abitants s’aproprian lor lenga, l’OPLO renforçarà aquela articulacion entre dimension interregionala e identitats localas.
- 350 afichas sucettes dins 52 garas de las 2 regions Novèla Aquitània e Occitània
- Preséncia digitala: crompa d’espaci en linha & preséncia sus las rets socialas (vidèos Instagram, Snapchat e Facebook)
- Creacion del sit internet jemejettealoc.com
- 1,25 milions de vistas sus las rets socialas
Creat en 2015, l’ÒPLO (Ofici public de la lenga occitana) es un Gropament d’Interès Public qu’assòcia las Regions Novèla Aquitània e Occitània aital coma l’Estat (Ministèri de l’Educacion nacionala e Ministèri de la Cultura). Son objectiu es de sosténer la transmission e la socializacion de la lenga occitana per tal d’espandir lo nombre de locutors actius, en particular al sen de las joventas generacions. Sas accions visent subretot a confortar la transmission de la lenga. Son perimètre d’accion s’esparg sus las zònas occitanophones de las Regions Novèla Aquitània e Occitània (22 departaments). Lo budgèt de l’ÒPLO s’escolan a un pauc mai de 3 M€/an: sosten a las mèdias, sosten a l’ensenhament e espleches pedagogics, sosten als corses per adults, sosten a la regulacion de la lenga e foncionament.
1a ret nacionala de la comunicacion publica. Federa mai de 25 000 professionals de la comunicacion de las collectivitats localas, de las administracions e organismes publics nacionals e locals e del sector associatiu. Dempuèi mai de 30 ans, lo Grand Prèmi Cap’Com recompensa las melhoras campanhas de comunicacion menadas per de collectivitats localas, de las institucions publicas e de las associacions d’interès general.
