Lo "Grop de recèrca-accion en didactica bilingua francés/occitan suls ensenhaments fondamentals a l'escòla primària" s'amassarà pel 4en còp a Montalban los 21, 22 & 23 de març venents. L'escasença de far un ponch sus l'avançada de las òbras del GRAF.
La recèrca-accion es un metòde d’analisi utilizada per collectar d’informacions pendent trabalhs de recèrca.
Son specificitat consistís a sa metodologia :
- partís d’un problèma concrèt, generat per una situacion particulara ;
- a partir d’aquel problèma, un protocòl de recèrca es definit per temptar de prepausar de solucions ;
- las solucions son testadas e aplicadas a la situacion problematica de partença ;
- los resultats son analisats ;
- a partir d’aqueles resultats, lo protocòl es ajustat fins que la problematica de partença siá resolguda.
La recèrca-accion es sovent aplicada als trabalhs de recèrca relatius a la pedagogia, per testar e definir dels metòdes e practicas d’ensenhament requeridas per transmetre un saber particular (saber tecnic, saber-far o saber-èsser).
Aplicada a l’ensenhament bilingüe francés-occitan, los enjòcs son multiples, sustot pel 1èr gra :
- melhorament de las practicas e dels espleches didactics pròpris a l’ensenhament bilingüe francés/occitan ;
- sosten suplementari a las equipas ensenhantas e formatrises dins lor reflexion e lor practica de l’ensenhament bilingüe ;
- construccion de trajèctes dedicats de formacion en linha ;
- constitucion d’un quadre de reflexion a l’escala interacademica que corresponda a las realitats socio-istoricas de la lenga occitana.
Progressivament, los expèrts del GRAF prepausaràn d’espleches meses a destinacion de las equipas ensenhantas e del public grand :
- mesa en linha de sequéncias complètas, filmadas en classa ;
- mesa en linha de trajèctes dedicats de formacion ;
- organizacion de sessions de formacion de formators/-trices e d’ensenhaire/as.
