Elegit/ida.s local.a.s, desiratz pilotar un projècte que fa pròva de l'engatjament volontarista de vòstra collectivitat al benefici de la lenga ? L'OPLO vos acompanha.
Dins l’encastre de l’elaboracion d’un « kit d’accions » a destinacion dels e de las elegits/idas local.a.s, l’OPLO publica sa darrièra ficha, destinada a presentar d’exemples concrèts d’accions al benefici de la lenga e la cultura occitanas.
Qualques exemples relatius a la socializacion
- Apondi d’una senhaletica bilingua sus l’ensemble dels dispositius existents (operator a mobilizar : Congrès permanent de la lenga occitana) :
- Escòlas ;
- Dintradas de comuna e/o d’aglomeracion ;
- Vias urbanas ;
- Bastiments comunals e intercomunals ;
- Trajèctes toristics.
- Correccion ortografica de las cartas IGN e adreçatge biliingue (operator a mobilizar : Congrès permanent de la lenga occitana) ;
- Desvolopament d’espleches toristics especifics, de tip escape game o jòc de pista (operators a mobilizar : CIRDÒC e OPLO) ;
- Proposicion de formacion lingüistica dels agents intercomunals e comunals (operator a mobilizar per èsser orientat : OPLO).
Qualques exemples relatius a las accions educativas
- Generalizacion de l’iniciacion a l’occitan dins las escòlas (operator a mobilizar : OPLO, amb de cofinançaments possibles del Conselh departamental) ;
- Acompanhament a l’obertura d’una calandreta (operator a mobilizar : OPLO) ;
- Equipament d’una escòla seguida a l’obertura d’un cursus bilingüe (operator a mobilizar : OPLO) ;
- Integracion de talhièrs de valorizacion de la cultura occitana sul temps periescolar (operator a mobilizar : OPLO).
Qualques exemples relatius a las accions culturalas
- Integracion de l’ofèrta en lenga occitana dins la programacion culturala (operator a mobilizar : CIRDÒC) ;
- Creacion d’un eveniment cultural de tip festenal en ligam amb la cultura occitana (operator a mobilizar : CIRDÒC, amb lo sosten financièr possible de la Region).
