Formar d’agents a l’occitan
Elegit.ida.s d'una collectivitat, desiratz formar vòstres agents a l'occitan gràcias a la formacion professionala ? L'OPLO vos acompanha !
Lo quadre juridic
Tots los agents de las 3 foncions publicas (d’Estat, espitalièra e territoriala) an drech a la formacion professionala tot lo long de lor carrièra.
Diferents dispositius existisson. D’unes d’entre eles pòdon prene la forma de comjats especifics. Las formacions pòdon permetre de s’adaptar a un pòst o a l’evolucion d’un mestièr. Pòdon egalament èsser seguidas per preparar un projècte d’evolucion professionala (mobilitat, promocion, reconversion).
Per ne saber + sul drech a la formacion dins la foncion publica territoriala : https://www.service-public.fr/particuliers/vosdroits/n186
Los Centres de formacion professionala en occitan (CFPO) son d’organismes de formacion acceptats qu’intervenon en Region Novèla Aquitània e en Region Occitània.
- Region Occitània – Pirenèus Mediterranèa
Lo Centre de Formacion Professionala en Occitan – Region Occitània (CFPO) interven sus tota la Region Occitània – Pirenèus Mediterranèa.
https://www.cfpoccitan.org/ // cfpo@cfpoccitan.org
- Region Novèla Aquitània
Lo Centre de Formacion Professionala en lenga e cultura Occitana Novèla Aquitània (CFPÒC) interven sus tota la Region Novèla Aquitània aital coma sul territòri gascon de la Region Occitània (Gèrs, Pirenèus Nauts, Arièja sustot) per de rasons lingüisticas.
https://www.cfpoc.com/ // aquitania@cfpoc.com
Los organismes de formacion acceptats dispensan de formacions certifiantes : s’agís de permetre a las personas de montar en competéncias per de certificacions reconegudas sul mercat del trabalh. Coma per totas las formacions certifiantes, las certificacions professionalas relativas a la lenga occitana son classadas per nivèl de qualificacion e domeni d’activitat.
Los beneficis
Formar los agents d’una collectivitat o d’un servici a la lenga occitana pòt èsser un mejan de melhorar lors activitats professionalas o las competéncias que mobilizan sus d’unes pòsts de trabalh (per exemple : ATSEM de las escòlas prepausant un ensenhament de l’occitan, agents ligats a las activitats toristicas o culturalas).
Integrar una dimension occitana al plan de formacion de la collectivitat pòt permetre de far lo ligam amb los projèctes (educatius, culturals, territorials, etc.) pilotats per l’equipa en plaça e de s’assegurar de se dotar de mejans RH per los desplegar.
Totas las formacions professionalas en occitan permeton als agents d’obtenir una certificacion reconeguda a l’escala europèa (de nivèl A1 al nivèl C1).
Formar los agents a la lenga occitana, mas tanben afichar una ofèrta de formacion en o a l’occitan es un mejan de sensibilizar las equipas a lor « occitanitat » e a l’identitat de lor territòri. Aquò permet tanben d’estimular lor adesion a un projècte de territòri global.
Modalitats
La formacion professionala en lenga occitana consistís a far aquerir als agents de las collectivitats de las competéncias linguisitiques de diferents nivèls.
D’organismes especializats e certificats cobrisson l’ensemble del territòri. Prepausan de formacions en grop, individualas, en presencial o a distància. L’occitan essent una lenga romanica (tot coma lo francés, lo portugués, l’italian o l’espanhòl), qualques setmanas d’aprendissatge permeton generalament d’arribar a un nivèl sufisent per comprene la tenor d’un escambi, legir o escriure un tèxt simple o s’exprimir a l’oral.
Los Centres de formacion professionala a la lenga occitana (CFPO) son d’organismes acceptats cofinançats per las Regions.
Existís dos CFPO, un en Novèla Aquitània (basat a Pau, 64) e un en Occitània (basat a Besièrs, 34). Cadun d’entre eles interven en prioritat sul territòri regional, mas egalament en defòra d’aqueste en foncion de las demandas o de las constrenchas lingüisticas o geograficas. Los CFPO vos acompanhan per definir vòstre projècte e respondre a vòstres besonhs :
- ETAPA 1 : mesa en relacion amb lo servici de la collectivitat en carga de la formacion contunha (contacte del CFPO regional al revèrs) ;
- ETAPA 2 : definicion dels esperats pedagogics e de las competéncias avaloradas en fin de formacion ;
- ETAPA 3 : identificacion dels besonhs intèrns e dels pòsts concernits ;
- ETAPA 4 : desplegament d’una campanha intèrna per encoratjar los agents a se posicionar ;
- ETAPA 5 : mobilizacion del finançament adeqüat (formacion contunha, comjat de formacion professionala..) ;
- ETAPA 6 : en foncion dels primièrs retorns, integracion de la formacion al plan de formacion de la collectivitat.
La formacion es un drech que s’aplica a l’ensemble dels agents : una envolopa es senhalizada dins lo budgèt de vòstra collectivitat.
S’aquesta permetiá pas de cobrir los fraisses de la formacion en lenga occitana, un finançament complementari deurà èsser considerat.
Coma per tota formacion, de fraisses indirèctes son eventualament a preveire : cas d’una formacion efectuada sul temps de trabalh, d’una presa en carga dels desplaçaments o dels autres fraisses de mission o del personal a remplaçar pendent las formacions (personal de l’enfança pichona en particular : grépias, ATSEM…).
Ressorsas
De testimoniatges de collectivitats son disponibles suls sits seguents :
D’exemples de projèctes, realizats gràcias al supòrt d’agents formats e sensibilizats dins las collectivitats, son disponibles sul sit seguent : https://lengasocietat.eu/fr/realisations/.
Per vos ajudar
Informacions generalas, acompanhament, estima personalizada, engenhariá pedagogica, programa de formacion a faiçon, certificacion, ressorsas multimèdia :
- CFPOC Novèla-Aquitània – Centre de formacion professionala a la lenga occitana
www.cfpoc.com / aquitania@cfpoc.com
*Cada CFPO pòt egalament intervenir, sus demanda, fòra de la Region en foncion de las demandas, de las constrenchas lingüisticas o de las constrenchas geograficas.
Informacions generalas, acompanhament, estima personalizada, engenhariá pedagogica, programa de formacion a faiçon, certificacion, ressorsas multimèdia :
- CFPO Region Occitània – Centre de formacion professionala a la lenga occitana
www.cfpoccitan.org / cfpo@cfpoccitan.org
ESCANERIZA’M
*Cada CFPO pòt egalament intervenir, sus demanda, fòra de la Region en foncion de las demandas, de las constrenchas lingüisticas o de las constrenchas geograficas.
Desvolopament de l’ofèrta d’ensenhament, mesa en relacion amb los operators de terren, espleches de promocion e de valorizacion, ressorsas :
• Ofici public de la lenga occitana (OPLO)
www.ofici-occitan.eu / contact@ofici-occitan.eu
Una question ? Contactatz l'OPLO !
Ne saber + suls projèctes relatius a la lenga occitana :
Office public de la langue occitane
22 boulevard du Maréchal Juin
31406 Toulouse cedex 9
05 31 61 80 50
contact@ofici-occitan.eu
