L’Ofici public de la lenga occitana recèrca 5 especialistas (ensenhaire/as-cercaire/as, actors/actritz de terrenh, representant.as d’institucions) per intervenir dins una taula redonda de vulgarizacion scientifica (en francés), que se debanarà en linha lo 11/10/22 a 5h del vèspre.
Lo tèma de la taula redonda serà : « Biodiversitat e diversitat de las lengas: quina(s) lenga(s) per pensar l’avenidor ?« .
Las intervencions poiràn portar sus:
- los ligams entre biodiversitat e diversitat de las lengas (aital coma los limits eventuals d’aquel parallèl) ;
- los apòrts de las lengas indigènas / regionalas dins la documentacion, la compreneson e la preservacion de l’environament ;
- los ligams entre diversitat lingüistica, diversitat culturala e manièra de pensar lo monde (ipotèsi Sapir-Whorf) e los eventuals limits d’aquela ipotèsi ;
- l’impacte sus las populacions localas e lor environament, quitament a una escala mai globala, de la desaparicion de lengas indigènas ;
- los beneficis del bi-plurilingüisme al nivèl de l’individú e/o de la societat dins un monde globalisat ;
- tota autra tematica que vos pareis pertinenta per contribuir a la discussion.
Las contribucions poiràn portar sus de aspèctes tant teorics o generals coma practics e especifics (ex: cas d’una lenga en particular, subretot l’occitan).
Data limita de somission : 5 de setembre de 2022
