L'Ofici public de la lenga occitana (OPLO), en associacion amb l'associacion Òc-Bi, lo CIRDÒC e lo Congrès permanent de la lenga occitana, ven d'editar un desplegant a l'atencion dels parents d'escolans.
Far passar l'occitan de l'escòla a l'ostal, una prioritat
Se la transmission de la lenga occitana passa d’en primièr per son ensenhament a l’escòla, la mobilizacion de las familhas demòra un enjòc que los actors associatius e institucionals ensajan de relevar.
Sus las 15 000 familhas d’escolans que seguisson un aprendissatge de l’occitan a l’escòla primària en Novèla Aquitània e en Occitània, soque una minoritat parla la lenga. En aquelas condicions, acompanhar l’aprentissatge dels mainatges demòra dificil e afortir los usatges socials de la lenga son encara de mal far.
Mantuna ressorsa en occitan existis pasmens. Amb un document destinat a compilar aquestas ressorças, l’OPLO desira associar sos partenaris per sensibilizar los parents d’escolans.
Mesa a disposicion dels actors educatius e associatius
Aquel document, disponible en telecargament çai-jos, sus aquela pagina e dins la mediatèca numerica de l’OPLO, es prepausat gratuitament, sus demanda dels actors associatius e educatius.
