L’Ofici public de la lenga occitana (OPLO) a pilotat l’elaboracion, l’execucion e l’interpretacion de l’enquèsta sociolingüistica 2020 suls practics e representacions de la lenga occitana en Novèla Aquitània, Occitània e Val d’Arane a desirat engatjar una campanha de premsa per tal de ne valorizar los resultats dins las mèdias.
Aquela campanha, desplegada entre setembre e novembre de 2020, compreniá tres accions principalas :
- La redaccion d’un comunicat de premsa de doas paginas, qu’intègra d’elements de lengatge comuns a l’ensem dels territòris d’estudi, de chifras e de donadas precisas, un verbatim de la presidenta de l’Ofici e un focús sus l’OPLO;
- Lo mandadis d’aquel comunicat a una basa de contactes premsa locala, regionala e nacionala amb de relacions individualas, facilitacion e seguit de las entrevistas ;
- De declinasons localas del comunicat destinadas a ne territorializar los elements de lengatge.
Lo document çai jos prepausa un bilanç d’aquela campanha e s’inscriu dins la demarcha qualitat que l’OPLO s’esfòrca d’amodar dempuèi 2016.
