Certificar vòstras competéncias en occitan

• Lo diplòma de competéncia en lenga (DCL) occitan es un diplòma d’Estat de competéncia en lenga occitana en mitan professional.
• Es valid a vida.
• Permet a tot locutor occitanofòne de certificar sas competéncias linguisticas segon lo quadre europèu comun de referéncia per las lengas (CECRL).
• Compren 5 nivèls, de començant.a a expèrt.a, segon lo Quadre europèu comun de referéncia per las lengas (CECRL).
• Lo passatge del DCL occitan s’efectua a la prima dins los diferents centres d’examens, a Bordèu, Limòtges, Montpelhièr e Tolosa (https://dcl.education.gouv.fr/).
• Cal previere de pagar de fraisses d’inscripcion : 100 €.
• S’organiza 1 session per an.
• Las datas de las inscripcions e de las espròvas son disponibles sus www.education.gouv.fr/dcl.
• L’espròva es la meteissa per totes (durada : 2h30) : la prestacion determina l’estanci obtengut (annales sul sit del DCL).
• L’avaloracion es realizada per una jurada especialista de la lenga occitana.
• 100% de capitada

• Per tal d’encorajar l’utilizacion de la lenga occitana dins lo quadre professional, l’Ofici public de la lenga occitana sosten los candidat-a-s al DCL occitan que s’engatjan dins aquela desmarcha de certificacion.
• L’Ofici pren en carga 80 % dels fraisses d’inscripcion d’aqueles candidat-a-s que demòran dins las regions Novèla-Aquitània e Occitània quand aquestes pòdon justificar que lor desmarcha es a de fins professionalas.
• En seguida de lor inscripcion al DCL occitan al prèp de l’Educacion nacionala, los candidat-a-s pòdon atal sollicitar aquela ajuda financièra dirèctament al prèp de l’OPLO.

CONDICIONS DE PRESA EN CARGA DE 80% DELS FRAISSES D’INSCRIPCION :

• Se demoratz en Novèla-Aquitània o en Occitània
• Se lo passatge del DCL occitan s’inscriu dins una amira professionala
• Se passatz l’examèn dins l’acadèmia de Bordèu, Limòtges, Montpelhièr o Tolosa

Un còp inscrit.a al DCL occitan, recebretz un formulari d’emplenar e de mandar a l’adreça: contact@ofici-occitan.eu

Aquel formulari deurà èsser acompanhat :

• d’un RIB al nom de del/de la candidat.a ;
• d’un justificatiu que fa la pròva que lo passatge del DCL es per de rasons professionalas (inscripcion a un concors, atestacion de centre de formacion, fuèlha de paga, atestacion d’emplegaire etc.).
• d’un justificatiu de domicili qu’atèsta
  que residissètz plan en Novèla Aquitània o en Occitània.