Delà la lenga
Una lenga millenària
L’occitan es una lenga romanica. Es eissida del latin, coma l’espanhòl, l’italian, lo francés, lo romanés, lo catalan…
L’occitan, es una lenga qu’a 1200 ans. Concernís un territòri immens, delimitat per l’Atlantic e la plana de Pò (en Itàlia), lo Nòrd del Massís Central e los Pirenèus.
La lenga d’òc demòra presenta per las expressions verbalas del sud de França, l’istòria, lo patrimòni, los noms de luòcs e de personas, la vida culturala. Es una lenga-pont cap a Espanha, Itàlia, Portugal o Brasil.
L’espaci lingüistic occitan
Una lenga parlada per un milion de personas
La lenga occitana fedèra un milion de locutors.as a travèrs lo mond. Per saber qui parla occitan uèi en França, clicatz çai-jos !
Una lenga reconeguda
L’occitan es una lenga reconeguda oficialament per l’Union Europèa, pel Conselh d’Euròpa e quitament per l’ONU, per l’UNESCO !
Dempuèi 2021, una lei especiala relativa a la proteccion patrimoniala de las lengas regionalas e a lor promocion, apelada tanben lei Molac, s’aplica quitament !
Una lenga de creacion
L’occitan es tanben una lenga de creacion.
Literatura, musica, teatre, cinèma, jornals, blògs… se retròba lo quite occitan sus las rets socialas : Twitch, Discord, Mastodon, Instagram, Twitter, Snapchat, WhatsApp, Facebook.
De YouTubaires/-ras coma Parpalhon Blau fedèran de comunautats de mantun milièr de membres !
Una lenga que recruta
L’occitan es una lenga que recruta.
Cada annada, de desenats de diplomadas e diplomats tròban lor primièr emplec dins una entrepresa, una estructura publica o una associacion gràcias a lors competéncias en lenga occitana. Perqué pas vosautres/-as ?
Per ne saber +
Mercats professionals
Espleches lingüistics
Una question ? Contactatz l'OPLO !
Office public de la langue occitane
22 boulevard du Maréchal Juin
31406 Toulouse cedex 9
05 31 61 80 50
contact@ofici-occitan.eu
