Competéncias

OPLO : Un sosten estrategic a la politica lingüistica interregionala

Estructurar los camps de la politica lingüistica interregionala e interacademica e desvolopar una estrategia d’accion, sosténer los operators locals, vaquí las competéncias de l’Ofici public de la lenga occitana.

 

L’OPLO es un otís interregional e interacademic qu’incarna un ligam entre l’Estat, las Regions e los diferents operators qu’òbran per la lenga occitana. Per aquesta rason, a doncas la competéncia per metre los actors en relacion e pilotar, impulsar o acompanhar de projèctes, notadament dins lo domeni de l’ensenhament.

Acompanhar las collectivitats  

L’OPLO experimenta un panèl d’acompanhaments per crear de ligam entre los departaments e las autras collectivitats del territòri occitanofòn.

Desvolopa d’otisses de trabalh e de mesa en comun de las donadas  a l’escala interregionala. En particular, per un dialòg amb los diferents contribuidors e beneficiaris, per trapar d’efièts levadors.

 Elaborar un observatòri de la lenga occitana

L’OPLO es cargat de centralizar, organizar e difusar las informacions relativas a l’estat de la transmission e de la practica de la lenga occitana dins lo quadre d’un observatòri de la lenga occitana.

Elabòra per aquò far, de basas de donadas e d’otisses cartografics, que permeton d’identificar las zònas d’aprendissatge, aital coma lors modalitats.

Aqueste observatòri public, dona una visibilitat aumentada de l’ofèrta d’ensenhament e de formacion pels estatjants. Garantís un seguit de l’evolucion dels efectius d’escolans e permet de preveire los besonhs en tèrmes de doberturas de classas. Aital coma una mesa en sinergia dels luòcs d’ensenhament, e dels actors lingüistics e culturals dels territòris.

ð  L’observatòri met en òbra tanben una enquèsta sociolingüistica.

Armonizar las practicas

 Una autra competéncia màger de l’OPLO consistís a s’assegurar d’un tractament equitable dels territòris, notadament per la mesa en coëréncia de las modalitats de subvencionament, e en considerant las especificitats de cada territòri.

L’Ofici public de la lenga occitana velha en particular a l’objectivacion de las accions, lo respècte dels critèris e lo seguit de las subvencions.

Sosténer los operators locals

 L’OPLO apòrta un sosten financièr als operators associatius, publics e privats qu’òbran dins lo domeni de la politica lingüistica.

 Aquesta reparticion de crèdits respond a una logica territorializada que permet de redistribuir los crèdits sus l’ensemble del territòri interregional.

 Una de las prioritats de l’OPLO es de trapar mai de mejans financièrs pel desvolopament de la lenga occitana, mas egalament de participar al renovèlament e al renfortiment del mitan associatiu, notadament en formant de quadres.

L’OPLO s’estaca mai que mai a aportar un sosten tecnic als operators associatius, tot en los orientant cap a de dispositius especifics, tals coma los Dispositius Locals d’Acompanhament (DLA). Los DLA ajudan, gratuitament, las estructuras volontàrias en dificultat

Office public de la langue occitane

22, bd maréchal juin
31406 Toulouse cedex 9

Tel 05 82 60 02 80