Acompanhar son enfant

L’Ofici public de la lenga occitana (OPLO), que acampa la Region Novèla-Aquitània, la Region Occitània, lo ministèri de l’Educacion nacionala e lo ministèri de la Cultura, es l’organisme public cargat de la promocion e del sosten a la difusion de la lenga occitana, a l’escòla especialament.

Tot lo long de l’annada escolara, l‘OPLO acompanha, en ligam amb las equipas ensenhairas, l’escolaritat dels enfants que sevan l’escòla en occitan per diferentas iniciativas. Aquí qualques exemples :

• MANUALS ESCOLARS E  ALBUMS JOVENTUT : elaborats e editats pel malhum Canopé-CAPÒC, mes gratuitament a disposicion per totes los escolièrs beneficiant d’un ensenhament de l’occitan (www.capoc.fr) ;
• AISINAS EN LINHA : prepausats pel Congrès permanent de la lenga occitana (organisme de regulacion de la lenga), coma son diccionari en linha e sos trabalhs sus la reconeissença
  vocala e la traduccion automatica (locongres.org) ;
• DESSENHS ANIMATS E SERIAS DOBLATS EN OCCITAN : per la plataforma ÒCVOD (www.ocvod.fr);
• WEB TV 100% EN OCCITAN : www.octele.com
• INTERLOCUTORS DEDICATS : a l’OPLO, dins las direccions dels servicis academics de vòstre departament, amb l’associacion Òc-bi (oc.bi.free.fr) o la Confederacion occitana de las escòlas laïcas Calandretas (calandreta.org);
• PELS MAI GRANDS : borsas ENSENHAR Estudiant per acompanhar las vocacions de futurs ensenhaires,  sosten a las formacions universitàrias, mas tanben dels sostens als corses per adultes pels aprendissatges léser, l’ajuda al passatge del Diplòma de Competéncia en Lenga (DCL), un minisite de descobèrta (www.jemejettealoc.com)… ;
• E PER MAI D’INFOS E D’AISINAS LIGAS A LA CULTURA OCCITANA, rendètz-vos sul site del CIRDOC : www.oc-cultura.eu.