Retorns sus la primièra edicion dels Encontres occitans de las lengas e culturas regionalas

Los 13 e 14 de junh passats, la Region Novèla Aquitània, lo Departament d’Òlt e Garona e la Vila d’Agen, en associacion amb la Region Occitània Pirenèus Mediterranèa, an organizat a Agen, los primièrs Encontres occitans de las lengas e culturas regionalas.

Al còr del Sud-oèst, aqueles encontres professionals an permés de debatre de la plaça e de l’avenidor de la lenga e de la cultura occitanas en crozant testimoniatges e experiéncias eissits de las diferentas lengas e culturas regionalas de França.

S’agissiá de prepausar un espaci per que totas las e totes los qu’an a còr, dins de ròtles divèrses (elegits, agents publics, benevòls e salariats associatius) de promòure la plaça de la lenga occitana e d’assegurar son avenidor, s’encontrar, escambiar e definir amassa de perspectivas comunas.

Jos forma de talhièrs tematics a l’entorn de l’ensenhament, la formacion, la cultura, l’entreprenariat, de personalitats an confrontat lors ponches de vista, lors experiéncias, mas sustot, an ensajat de formular amb los participants de pistas per l’avenidor.

Dos tipes de restitucion de las òbras son estat realizat : de sintèsis video realizats per Octele e de las sintèsis sus plaça realizadas pels organizators :

Las lengas e l’entreprenariat
https://vimeo.com/981817691/1f33746df1?share=copy

Las lengas : una cooperacion interregionala
https://vimeo.com/981881683/ddb3186b64?share=copy

Las lengas e la creacion culturala
https://vimeo.com/984323424/a18e0813fe?share=copy

Las lengas dins las filèras superioras e las formacions per adultas
https://vimeo.com/984860102/0f6ebc2962?share=copy

Las lengas al còr de las ofèrtas d’educacion
https://vimeo.com/985008144/2467ffe35f?share=copy

Las lengas e los mèdias
https://vimeo.com/985573906/d20deeef27?share=copy

S’avètz participat, vòstre vejaire nos interèssa per melhorar la formula d’aqueles Encontres que se tornaràn far tre 2025 !

Emplenatz nòstre questionari en linha : https://forms.office.com/e/2ckVvzNqqa 

Ofici public de la lengua occitana

22 bd maréchal Juin
31406 Tolosa cedex 9

Tel 05 31 61 80 50

contact@ofici-occitan.eu

Scroll to Top