Parlas occitan sus las rets socialas ? Participa al concors de l'Euroregion Pirenèus-Mediterranèa e empòrta l'un dels 12 prèmis meses en jòc. En tot, mai de 5000€ son de ganhar !
En seguida de la capitada encontrada pel primièr concors « Lengas » per la joventut, l’Euroregion Pirenèus-Mediterranèa (EPM), amassant la Region Occitània, Catalonha e las Illas Balearas, renovèla son iniciativa qu’a per tòca de recompensar las iniciativas de joves que participan a afortir la preséncia de l’occitan sus las rets socialas.
Pòdon participar al concors de projèctes existents o de projèctes creats per l’escasença, alara se lo contengut que publicas torna dins los critèris, esites pas a emplenar lo formulari de candidatura !
En mai, aquela annada, los delais son estats revistes per fin que fòrça pòscan participar !
- Valorizar l’usatge de la lenga occitana dins tots los sectors de la societat ;
- Encoratjar las iniciativas de la joventud que favorizan l’utilizacion de la lenga occitana en direccion dels joves sus Internet ;
- Far participar los joves, subretot dins lo contèxt de l’Annada europèa de la Joenessa ;
- Motivar los escambis lingüistics e culturals entre las regions ;
- Sosténer los joves que crèan o presentan de contenguts de tota tematica suls malhums socials en occitan.
Podon participar al concours tots los joves (personas individualas, grops informals o entitats) :
- de 14 a 18 ans (« linha 1 »)
- de 19 a 30 ans (« linha 2 »)
- los animators de perfil/cadena/fials suls malhums socials a l’entorn de la lenga occitana ;
- en ligam amb lo territòri de l’Euroregion Pirenèus-Mediterranèa (Occitània, Catalonha, Illas Balearas).
Los critèris de seleccion son :
- Originalitat, coeréncia, qualitat e pertinéncia dels contenguts
- Talha de la comunitat creada
- La qualitat de l’iniciativa dels joves
- Impacte positiu sus l’occitan dins la societat
- Capacitat a atraire de publics nòvels
- Poder de comunicacion
Critèris d’avaloracion : 50 ponches
- Valor euroregionala : 10 ponches.
Apròchi en ligam amb las missions de l’Euroregion e la cooperacion interregionala e transfrontalièra serà avalorada positivament. Contenguts qu’auràn sauput establir de ligams dins l’encastre de l’Euroregion (Generalitat de Catalonha, Islas Balearas e Region Occitània), o amb d’autres territòris ont las lengas catalana e occitana son utilizadas
- Qualitat lingüistica : 10 ponches.
La Capacitat a generar un messatge jove/informal per un usatge modèrn e dins una lenga de qualitat.
- Inclusion sociala e diversitat culturala : 10 ponches.
Capacitat a atirar l’interès de membres de divèrses grops socials e culturals.
- Impacte : 5 ponches.
Capacitat dels contenguts a atirar de publics.
- Originalitat de la proposicion : 5 ponches.
Proposicion singulara qu’utiliza de dinamicas innovantas.
- Accessibilitat : 5 ponches.
Proposicions que prenon en compte la diversitat foncionala e s’adaptan a divèrsas capacitats.
- Pluridisciplinaritat : 5 ponches.
Proposicions transversalas qu’encoratjan lo rencontre entre la tradicion e la contemporaneitat.
Linha 1 (14 a 18 ans)
- Individual :
- Prèmi : 400€
- Mencion : 200€
- Collectiu (projet ou initiative portée par un groupe de classe, amis…) :
- Prèmi : 625 €
- Mencion : 400€
- Organisme :
- Prèmi : 750€
- Mencion : 500€
Linha 2 (19 a 30 ans)
- Individual (initiative individuelle portée par une personne physique) :
- Prèmi : 400€
- Mencion : 200€
- Collectiu (projet ou initiative portée par un groupe de classe, amis…) :
- Prèmi : 750 €
- Mencion : 500€
- Organisme :
- Prèmi : 625€
- Mencion : 400€
- Ubertura del concors : 29 septembre 2023
Recepcion e tractament de las candidaturas per la linha 2 (19-30 ans) : 8 janviers 2024
Recepcion e tractament de las candidaturas per la linha 1 (14-18 ans) : 12 mars 2024
Cossí participar ?
Las personas, grops o organismes que vòlon participar al concors deuràn emplenar lo formulari de candidatura per la plataforma de depaus – Wiin.
Telecargar lo reglament :
