A partir de la prepausicion d’Aélia S., una dels joves Liceans Ambaissadors, los/las licean.as prepausèron de crear una video dins la quala cadun.a d’entre ele.as presentariá un monument de sa vila en occitan.
Lo projècte « Liceans ambaissadors » es una experimentacion menada sus l’annada escolara 2021/2022.
S’agissiá de crear un collectiu de licean.as occitanistas que serián de jove.as ambaissador.as de la lenga occitana (e per extension de l’OPLO) al près de publics escolars e particularament de collegian.as.
Al delà d’aquel ròtle de representacion e de relai, eles e elas fuguèron solicitats.adas tota l’annada dins l’encastre d’una reflexion mai larga sus la lenga occitana al près dels publics joves.
L’objectiu es de poder, a tèrme, generalizar aquel dispositiu a l’ensemble dels/de las licean.as de las Regions Occitània e Novèla Aquitània, sus la basa de 2 ambaissadors.as per establiment.
La video seguenta presenta l’ensemble de las produccions. Al delà de la qualitat, plan variabla, de las videos, es la demarcha volontària dels escolans e de las escolanas qu’es valorizada.
Un projècte ne pòt amagar un autre
L’accion Liceans Ambaissadors, e tot particularament lo projècte video realizat pel licean.as, atirèt l’uèlh de Marie, doctoranta en sociolingüistica a l’OPLO. Marie trabalha suls levadors de motivacions per aprene l’occitan a l’escòla. Aquel projècte de videos sembla donc tot trobat per integrar lo còrpus d’estudis de sa tèsi a far un trabalh de realizacion !
Per tot saber sus aquel projècte de recèrca, RDV sus :
