Quants d'escolans aprenon l'occitan dins la regions Novèla-Aquitània e Occitània en 2021/2022 ?
L’Ofici public de la lenga occitana (OPLO) es un gropament d’interès public que reünís l’Estat (ministèri de l’Educacion nacionala e de la Joenessa e ministèri de la Cultura), la Region Novèla-Aquitània e la Region Occitània / Pirenèus-Mediterranèa.
Cada annada, l’OPLO fa un estat dels luòcs precís de l’ofèrta e dels mejans d’ensenhament dedicats a l’occitan dins las diferentas acadèmias que cobrisson son camp d’accion.
Aquel bilanç es estat fargat a partir de las donadas oficialas dels servicis academics dels rectorats de Lemòtges, Bordèu, Montpelhièr e Tolosa.
Lo recuèlh de donadas sus l'ofèrta d'ensenhament en occitan fa part de las missions de l'Ofici public de la lenga occitana (OPLO). Dempuèi 2019, aquelas donadas son compiladas dins un bilanç de dintrada per tal de ne difusar los principals resultats.
