En tot veire la capitada de l'operacion menada l'an passat, la Region Novèla-Aquitània e la Region Occitània decidiguèron, en partenariat amb lo Ministèri de l'Educacion nacionala, de renovelar l'operacion « L’òc en VOD » e de l'espandir de cap a 800 escòlas.
L’Oc en VOD, qu’es aquò ?
- OcVOD es una plataforma que permet lo visionatge en streaming (VOD) de films, dessenhs animats e serias en occitan.
- Lançat en 2020, aquel «Netflix en occitan» a conegut en una annada un vertadièr estrambòrd dels publics que parlan o aprenon l’occitan amb mai de 20 000 connexions. Lo catalòg, enriquit de longa, se compausa uèi de desenas d’oras de contenguts e prèp de 200 títols.
- La Region Novèla-Aquitània e la Region Occitània acompanhan aquel projècte dempuèi mai de 2 ans ara.
- Vist l’estrambòrd de las escòlas e per respondre a la demanda de las professoras e dels professors, es estat decidit de renovelar l’ofèrta e d’alargar l’espèctre de las escòlas elegiblas.
Las modalitats
Las condicions
- Ofèrta reservada a las escòlas de Novèla-Aquitània e d’Occitània (publicas o associativas) immersivas, bilingüas a paritat orari, o que perpausan un ensenhament renforçat o de sensibilizacion en occitan ;
- 1 abonament per escòla ;
- Ofèrta valabla del 10/01/22 al 30/04/22 ;
- Ofèrta reservada a las 200 primièras escòlas abonadas.
Cossí beneficiar de l'ofèrta ?
- Mandatz un corric a l’adreça ocvod@contam.fr en precisant de quina escòla s’agís e vòstra volontat de soscriure a un abonament annadièr.
- L’associacion Conta’m verifica que vòstra escòla es ben elegibla a n’aquela oferta.
- Recebètz un messatge que confirma vòstra eligibilitat a l’ofèrta.
- Podètz far lo pagament e recebètz un còdi de connexion valable un an per vòstra escòla !
- Lo diferencial es pres dirèctament en carga per l’OPLO.
Sètz ensenhaira o ensenhaira ? Avètz la possibilitat de demandar lo mandadís d'afichas en completant lo formulari çai jos :
Tot lo long de l’annada escolara, l‘OPLO acompanha, en ligam amb las equipas ensenhairas, l’escolaritat dels dròlles que seguisson l’escòla en occitan per diferentas iniciativas. Aquí qualques exemples :
- OBRATGES PEDAGOGICS : elaborats e editats pel malhum Canopé-CAPÒC, mes gratuitament a disposicion per totes los escolièrs beneficiant d’un ensenhament de l’occitan (www.capoc.fr) ;
- AISINAS EN LINHA : prepausats pel Congrès permanent de la lenga occitana (organisme de regulacion de la lenga), coma lo son diccionari en linha e sos trabalhs sus la reconeissençavocala e la traduccion automatica (locongres.org) ;
- DESSENHS ANIMATS E SERIAS DOBLATS EN OCCITAN : per la plataforma ÒCVOD (www.ocvod.fr);
- WEB TV 100% EN OCCITAN : www.octele.com
- INTERLOCUTORS DEDICATS : a l’OPLO, dins las direccions dels servicis academics de vòstre departament, amb l’associacion Òc-bi (oc.bi.free.fr) o la Confederacion occitana de las escòlas laïcas Calandretas (calandreta.org);
- PELS MAI GRANDS : borsas ENSENHAR Estudiant per acompanhar las vocacions de futurs ensenhaires, sosten a las formacions universitàrias, mas tanben s sostens als corses per adultes pels aprendissatges léser, l’ajuda al passatge del Diplòma de Competéncia en Lenga (DCL), un minisite de descobèrta (www.jemejettealoc.com)… ;
- E PER MAI D’INFOS E D’AISINAS LIGADAS A LA CULTURA OCCITANA, rendètz-vos sul site del CIRDOC : www.oc-cultura.eu.
