Lo 30° collòqui de la FLAREP


Los representants de l’Ofici Public de la Lenga Occitana al collòqui de la Federacion per las Lengas Regionalas dins l’Ensenhament Public lo 19 d’octobre passat a Montpelhièr :

  • Na Charline CLAVEAU-ABBADIE, Presidenta (3ena a esquèrra),
  • En Patric ROUX, 1er Vice-President (al micrò)
  • Na Hélène BERNARD, 2nda Vice-Presidenta (2nda a esquèrra)

Durant aquel rencontre, foguèron rapelats los projèctes en cors, dont lo d’un convencionament quadre pel desvolopament e l’estructuracion de l’ensenhament de l’occitan que serà signat lèu per la ministra de l’educacion nacionala, los Presidents de las Regions Novèla Aquitània e Occitània, e la Presidenta de l’Ofici Public de la Lenga Occitana.

 

flarep_occ

 

La FLAREP – Federacion per las Lengas Regionalas dins l’ensenhament public –

La FLAREP es nascuda a Baiona en novembre de 1987. Recampa las associacions o federations principalas de parents d’escolans e/o d’ensenhaires qu’òbran per lo desvelopament de las lengas regionalas dins lo servici public d’educacion. Es subvencionada per lo Ministèri de l’Educacion Nacionala. Es un instrument de ligason entre los establiments escolars, l’administracion e los parents d’escolans.

Sus las basas de sa plata-forma de 1988, creèt al travèrs de l’exagòn un malhum d’escambis d’informacions e coordonèt una dinamica de valorizacion d’aquelas lengas que representan uèi tant de ponts de comunicacion en Euròpa.

Identitat e alteritat

Al moment que, d’en pertot dins lo mond, de concepcions identitàrias barradas semondon la paur e la mòrt, al moment que, en cò nòstre, s’afortisson las ideologias de l’exclusion,volèm mostrar que la reconeissença e la coneissença de las lengas regionalas pòdon e devon representar una dobertura d’esperit, una concepcion dobèrta de la ciutadenetat. Aqueste collòqui vòl pausar la question d’un punt de vista filosofic general, mas tanben l’abordar en partent de nòstras practicas d’ensenhament.