Convit : Presentacion deu plan d’accion de l’OPLO


L’Ofici public de la lenga occitana qu’ei un Gropament d’interès public, compausat de l’Estat, e de las Regions Novèla-Aquitània e Occitania tà promòver e favorizar la transmission e la socializacion de la lenga occitana.

L’OPLO que s’ei engatjat desempuish mantuns mes dens un processus de concertacion dab los sons partenaris institucionaus e associatius tà bastir un plan d’accion pluriannuau dab orientacions partatjadas dab los actors de la politica linguistica.

Au tèrme d’ua seria de talhèrs de tribalh qui an amassat 180 personas e d’ua concertacion numerica, l’OPLO qu’ei uei en mesura de vos presentar lo son plan d’accion.

Qu’ètz doncas convidats ad aqueste moment :
lo 18 d’octobre de 10h a 12h
Sala 214,
a l’Ostau de Region de Novèla-Aquitània,
sèti de la recenta antena de l’OPLO
14, carrèra François de Sourdis, 33077 Bordèus cedex

Lo nombre de plaças serà limitat, e que vos arremerciam de plan voler confirmar la vòsta preséncia ad’aquesta presentacion qui serà seguida d’un bufet, a l’adressa mèl seguenta : contact@ofici-occitan.eu
En mei d’aqueste moment d’escambi, lo plan d’accion serà botat en linha suu siti de l’OPLO en seguida de la soa presentacion.

Qu’arremerciam los actors institucionaus, associatius, professionaus o simples curiós qui an participat ad’aquera reflexion e nos an accompanhats dens l’elaboracion deu plan d’accion de l’Ofici.

Coralament,
L’equipa de l’OPLO