Venir ensenhaire bilingüe francés/occitan e estudiar una annada en Catalonha !


L’Euroregion Novèla-Aquitània Euskadi Navarra, en partenariat notadament ambe l’Ofici public de la lenga occitana, prepausa als estudiants/as un novèl dispausitiu d’acompanhament que permet d’accedir a las formacions e concorses necessaris per ensenhar dins las escòlas bilinguas francés/basc e francés/occitan tre setembre de 2018.

Lo projècte ESCÒLA FUTURA (IRAKASLEGAIAK AEN), nascut de la necessitat de far créisser l’ensenhament bilingue, permet a d’estudiants, dels dos costats de la frontièra, d’acquesir las competéncias necessàrias per se poder presentar als concorses de recrutament dels professors de las escòlas bilingüas.

 

L’objectiu del dispositiu es de sostenir financièrament

  • 6 estudiants/as de las Universitats de las regions Novèla-Aquitània e d’Occitània (2 promocions de 3) titularis d’una licéncia 3, per tal que se fòrmen de faiçon intensiva a l’occitan (debutants acceptats) pendent un an a Lleida en Catalonha. Tota licéncia 3 es acceptada ;
  • 5 estudiants/as de las Universitats de Lleida en Catalonha, per tal que se fòrmen de faiçon intensiva al francés e a l’occitan a l’Universitat Joan-Jaurès de Tolosa o de Montpelhièr Paul-Valéry.

Totes los fraisses de desplaçaments, d’albèrgament e d’inscripcion a l’Universitat son preses en carga pel dispausitiu.

Aquela formacion permetrà puèi a aqueles estudiants/as de s’insciure en Master MEEF premièra annada per tal de preparar lo concors de recrutament dels professors de las escòlas especial occitan e venir ensenhaires bilingues dins las acadèmias de Bordèu, Limòtges, Montpelhièr, Peitius o Tolosa.

Per mai d’informacions o inscripcions, esitetz pas a vos rendre sul site :

www.escola-futura.eu

S’avètz d’eventualas questions contactatz nos a l’adreça :

contact@ofici-occitan.eu o per telefòne al + 33 (0)5 82 60 02 80.

Atencion, las inscripcions s’acaban al 15 de mai de 2018.